Прапушчаны званок
Дзякуючы паслузе «Прапушчаны званок» Вы зможаце атрымліваць інфармацыю аб прапушчаных выкліках, калі тэлефон быў часова адключаны, знаходзіўся па-за зонай дзеяння сеткі A1 ці быў заняты.
Калі тэлефон абанента быў часова адключаны або знаходзіўся па-за зонай дзеяння сеткі, то пасля ўключэння тэлефона паступіць SMS з указаннем нумароў абанентаў, якія тэлефанавалі.
Калі нумар абанента, які тэлефанаваў унесены ў тэлефонную кнігу, то SMS-паведамленне пра прапушчаны выклік прыйдзе ад яго імя, у адваротным выпадку – з нумара, з якога тэлефанавалі. Калі званкі паступілі з 2-х і больш розных нумароў, то паступіць адно паведамленне з нумара +375296000240.
У тэксце SMS-паведамлення змяшчаецца інфармацыя:
- аб агульнай колькасці прапушчаных званкоў;
- аб тэлефонных нумарах тых, хто тэлефанаваў;
- аб колькасці прапушчаных званкоў па кожным з нумароў;
- аб часе і даце апошняга званка для кожнага з нумароў тых, хто тэлефанаваў.
- Паслуга Прапушчаны званок па ўмове "недаступны" ўключаная ў базавы набор паслуг для ўсіх абанентаў кампаніі (акрамя абанентаў тарыфнага плана Перадача даных)
- Карэктная работа паслугі гарантаваная ў сетцы A1
- Паслуга Прапушчаны званок на тарыфных планах лінейкі A1 працуе, калі статус абанента Актыўны. Калі ў абанента адключаныя паслугі уваходнай і/або выходнай сувязі, то паслуга Прапушчаны званок не надаецца.
- Паслуга Прапушчаны званок на тарыфных планах лінейкі ПРЫВІТАННЕ працуе, калі статус абанента Актыўны.
- SMS аб прапушчаным званку захоўваецца на працягу 24 гадзін і будзе дастаўленае пасля ўключэння тэлефона. Па заканчэнні сутак інфармацыя выдаляецца.
- Калі нумар абанента, які тэлефанаваў, не вызначаны (напрыклад, падключана паслуга Антывызначальнік нумара), то SMS аб гэтым прапушчаным выкліку не паступіць.
- Калі пераадрасацыя па ўмовах "недаступны", "занята" ўстаноўленая на нумар, адрозны ад +375296000240, то паслуга Прапушчаны званок не надаецца.
- Калі ў абанента ёсць паслуга Галасавая пошта, то SMS аб прапушчаным званку прыйдзе толькі ў тым выпадку, калі не было пакінута паведамленне на Галасавую пошту.
- Інфармацыя па званках надаецца толькі аб апошніх 20-ці абанентах.
Паслуга надаецца ўсім абанентам і ўключаная ў базавы набор паслуг.
Як падключыць
Самастойнае падключэнне паслугі магчымае адным са спосабаў:
- USSD-запыт **62*+ 375296000240# выклік (па ўмове «недаступны»), **67*+ 375296000240# выклік (па ўмове «занята»);
- Асабісты кабінет (раздзел «Пераадрасацыя званкоў»)
- у меню тэлефона – пасля выбару патрэбнага тыпу пераадрасацыі неабходна ўвесці нумар +375296000240.
Як адключыць
Калі паслуга прызначаная аператарам, то адключыць паслугу «Прапушчаны званок», уключаную ў базавы набор паслуг, абаненты кампаніі могуць, звярнуўшыся ў цэнтры продажу і абслугоўвання A1 альбо ў офісы афіцыйных павераных, а таксама ў даведачна-інфармацыйную службу 150.
Адключэнне самастойна прызначанай паслугі Прапушчаны званок магчымае адным са спосабаў:
- Асабісты кабінет (раздзел «Пераадрасацыя званкоў»);
- у меню тэлефона – неабходна адмяніць пераадрасацыю званкоў на нумар +375296000240.
Для змены мовы дастаўкі паведамленняў неабходна адправіць SMS з кодам запыту на нумар 441:
21 - прыём паведамленняў на беларускай мове;
22 - прыём паведамленняў на рускай мове (кірыліца);
23 - прыём паведамленняў на англійскай мове;
24 - прыём паведамленняў на рускай мове (трансліт).