25 гадоў з А1: у гонар свайго дня нараджэння кампанія павіншавала сваіх першых абанентаў
16 красавіка кампанія А1 адзначыла 25-годдзе сваёй дзейнасці, а 18-га чысла запрасіла адзначыць гэтую дату сваіх першых абанентаў, якія застаюцца з кампаніяй з самых першых дзён яе існавання.
Сустрэча прайшла ў флагманскім магазіне кампаніі, дзе абаненты, якія карыстаюцца паслугамі А1 ужо чвэрць стагоддзя, атрымалі памятныя прызы, змаглі нефармальна пагутарыць з супрацоўнікамі і кіраўніцтвам, прыгадалі самыя яркія старонкі ў гісторыі аператара, а таксама пачаставаліся фірменнымі напоямі ў «Інклюзіўнай кавярні» ў А1.
«25 гадоў — адметная дата ў гісторыі А1. На працягу ўсёй нашай гісторыі мы глядзелі ў будучыню, развівалі сваю сетку, асвойвалі новыя тэхналогіі, прапаноўвалі абанентам інавацыйныя паслугі і рашэнні. Але сёння, азіраючыся на той шлях, які быў пройдзены за гэты час, хочам выказаць падзяку тым, разам з кім яго пачыналі і хто застаецца побач дагэтуль. Шматгадовы давер кліентаў — найважнейшы “знак якасці”, які лепш за любыя лічбы кажа пра вернасць абранай намі стратэгіі развіцця. Як бы ні змяняўся рынак паслуг сувязі, А1 заўсёды гатовы ісці ў нагу з гэтымі зменамі, каб прадастаўляць сваім абанентам максімальна магчымы ўзровень якасці», — адзначыў першы намеснік генеральнага дырэктара кампаніі A1 Мікалай Юшкевіч.
Гісторыя кампаніі пачалася 16 красавіка 1999 года: менавіта тады сетка velcom (пад гэтым брэндам кампанія А1 працавала да 2019 года) прывітала сваіх першых абанентаў і прадставіла ў Беларусі першую магчымасць карыстацца сувяззю стандарту GSM.
Сёння кампанія трансфармавалася ў аднаго з вядучых правайдараў тэлекам-, ІКТ- і кантэнт-паслуг, абанентамі якога з'яўляюцца амаль 5 мільёнаў абанентаў, які прадастаўляе інфраструктуру фіксаванага інтэрнэту для больш як 1,3 мільёна хатніх гаспадарак, а таксама аб'ядноўвае больш за 2 тысячы супрацоўнікаў. Апрача таго, А1 аказвае паслугі лічбавага тэлебачання IPTV пад брэндам VOKA, прадукты для бізнесу, а таксама воблачныя сэрвісы на базе ўласнага дата-цэнтра — аднаго з найбуйнейшых у краіне.
У знак удзячнасці першыя абаненты А1 атрымалі падарунак ад партнёра мерапрыемства HUAWEI — апошнюю навінку брэнда — HUAWEI nova 12S.