А1 і МТС аб’ядналі намаганні, каб палепшыць якасць сувязі і інтэрнэту ў аддаленых населеных пунктах Беларусі

Кампаніі А1 і МТС пашырылі пакрыццё сеткі і палепшылі якасць сувязі і перадачы даных у аддаленых населеных пунктах і цяжкадаступных месцах. Зроблена гэта з дапамогай RAN Sharing – тэхналогіі, якая дазваляе аператарам выкарыстоўваць сеткі адзін аднаго для надання больш якасных паслуг абанентам.

Ужо на стадыі тэсціравання RAN Sharing паказала эфектыўнасць. Паляпшэнне якасці галасавых выклікаў і мабільнага інтэрнэту ацэняць абаненты ва ўсіх рэгіёнах Беларусі. Пры гэтым асаблівыя змены яны адчуюць у маланаселеных раёнах і сельскай мясцовасці.

Праект па ўкараненні тэхналогіі RAN (Radio access network) Sharing А1 і МТС рэалізуюць разам. Ён прадугледжвае сумеснае выкарыстанне сетак радыёдоступу і інфраструктуры абодвума мабільнымі аператарамі. Кампаніі на парытэтнай аснове дамовіліся ўключыць кожная па 369 дадатковых сектараў базавых станцый, якія размяшчаюцца ў месцах, дзе раней мог назірацца няўстойлівы сігнал сувязі.

Так мабільныя аператары паляпшаюць якасць паслуг для сваіх абанентаў, не затрачваючы час і значныя сродкі на мадэрнізацыю ўласнай сеткі ці будаўніцтва новых базавых станцый.

Тэсціраванне тэхналогіі ўпершыню праходзіць у дыяпазоне 900 МГц, які выкарыстоўваецца ў маланаселенай сельскай мясцовасці, а таксама ва ўмовах складанага ландшафту або пры наяўнасці аб’ектаў, якія перашкаджаюць пранікненню сігналу.

У поўным аб’ёме ў камерцыйную эксплуатацыю праект плануецца ўвесці ў першым квартале 2023 года.