А1 запусціў новую паслугу «Воблачны 1С» для карпаратыўных кліентаў

Карпаратыўныя кліенты кампаніі A1 змогуць атрымаць доступ да розных праграмных прадуктаў 1С для аўтаматызацыі дзейнасці прадпрыемстваў па мадэлі SaaS у рамках новай паслугі «Воблачны 1С».

Аформіўшы паслугу, карпаратыўныя кліенты атрымаюць ліцэнзійны доступ да чатырох праграмных прадуктаў 1С з воблака дата-цэнтра А1:

• «Бухгалтэрыя 1С»
• «Кіраванне гандлем 1С»;
• «Зарплата і кіраванне персаналам 1С»;
• «Кіраванне кампаніі (ERP для SMB) 1С».

Кошт аднаго доступу да аднаго праграмнага прадукту 1С складае 36 беларускіх рублёў у месяц з ПДВ. Пры гэтым «Воблачны 1С» пазбаўляе ад неабходнасці набываць і ўсталёўваць дарагія фізічныя копіі адпаведнага праграмнага забеспячэння, якія прывязваюцца да аднаго працоўнага месца. З дапамогай паслугі «Воблачны 1С» ад А1 можна атрымаць дыстанцыйны доступ да патрэбнай праграмы з любога камп'ютара. Пры неабходнасці канфігурацыю і аб'ём паслугі можна змяніць, каб плаціць толькі за патрэбную колькасць доступаў да праграм 1С.

Усе даныя, абмен якімі адбываецца пры працы з прадуктамі ў рамках паслугі «Воблачны 1С», размяшчаюцца ў сховішча дата-цэнтра А1, дзякуючы чаму надзейна абаронены ад несанкцыянаванага доступу, тэхнічных збояў і іншых форс-мажорных абставін. У дадатак да ліцэнзій неабходных прадуктаў абаненты паслугі «Воблачны 1С» ад А1 атрымліваюць доступ да комплекснага інфармацыйна-тэхналагічнага суправаджэння зарэгістраваных карыстальнікаў праграм 1С ад А1. На выбар прапануецца адзін з трох варыянтаў: «Тэхнічнае суправаджэнне 1С Mini», «Тэхнічнае суправаджэнне 1С Standard» або «Тэхнічнае суправаджэнне 1С Maxi». Усе яны ўключаюць доступ да рэгулярнага абнаўлення праграм, рэзервовае капіраванне баз даных, адміністраванне базы, інфармацыйна-тэхнічную падтрымку. Астатнія магчымасці, уключаныя ў той ці іншы пакет тэхнічнага суправаджэння (колькасць разліковых рахункаў, для якіх наладжваецца і падтрымліваецца «Кліент-банк», колькасць штодзённых кансультацый па працы ў праграме, дапамогу ў яе наладзе), карыстальнікі могуць выбіраць у залежнасці ад сваіх патрэбаў.

Больш падрабязна пра новую паслугу «Воблачны 1С» можна даведацца па спасылцы, а таксама па адзіным нумары кантакт-цэнтра – 150.