Больш за 15 000 смартфонаў адправіць А1 на бяспечную ўтылізацыю дзякуючы ўдзельнікам акцыі па зборы непатрэбных мабільных прылад

А1 падвёў вынікі праекту па абмене старых мабільных прылад на бонусы. У перыяд з 30 мая па 7 жніўня ўдзельнікі акцыі здалі ў крамы А1 больш за 15 тысяч непатрэбных мабільных прылад. Сярод удзельнікаў разыграна 10 новых смартфонаў.

Па ўмовах акцыі ўсе жадаючыя (удзельнікамі маглі стаць абаненты любога мабільнага аператара) прыносілі ў А1 непатрэбныя тэлефоны, планшэты, смарт-гадзіннікі ці электронныя кнігі, каб кампанія перадала іх на бяспечную для навакольнага асяроддзя ўтылізацыю. За кожны прынесены гаджэт уладальнікі атрымлівалі гульнявы код для ўдзелу ў штотыднёвых розыгрышах смартфонаў, а ў выпадку здачы адразу 5 і больш прылад – яшчэ і промакод на бясплатную падпіску «Усё ўключана» на відэасэрвісе VOKA на працягу месяца.

Толькі ў Мінску за час акцыі было сабрана больш за 6 тысяч гаджэтаў. У рэгіёнах максімальную колькасць прылад назапасілі жыхары Гомеля – каля 1400. Таксама ў лідэрах па зборы апынуліся ўдзельнікі праграмы з Бабруйска, Брэста, Гродна і Пінска. Некаторыя ўдзельнікі здавалі адразу больш за 100 і нават 200 смартфонаў. А самым папулярным пунктам прыёму прылад стала крама кампаніі ў Брэсце па адрасе праспект Машэрава, 17 – туды прынеслі 578 выкарыстаных гаджэтаў. Галоўны прыз – Xiaomi 11T 8GB/128GB – дастаўся дзесяці пераможцам розыгрышаў.

Нягледзячы на завяршэнне акцыі ўсе жадаючыя па-ранейшаму могуць у любы час здаць непатрэбныя мабільныя прылады ў А1 – у адпаведнасці са стратэгіяй экалагічнага, сацыяльнага і карпаратыўнага кіравання (ESG) ва ўсіх крамах А1 арганізавана ўласная сістэма збору абсталявання для наступнай перадачы на бяспечную ўтылізацыю.

Спраўныя гаджэты, якія знаходзяцца ў актыўнай эксплуатацыі, не ўяўляюць небяспекі для чалавека і прыроды. Але трапляючы на сметнік, яны становяцца таксічнымі: вызваляюцца змешчаныя ў іх кобальт, літый, злучэнні нікелю і кадмію і іншыя небяспечныя хімічныя рэчывы, якія забруджваюць ваду і глебу. Пры гэтым змешчаны ў прыладах пластык, а таксама каляровыя і каштоўныя металы не выкарыстоўваюцца паўторна. Менавіта таму ўнікальная для Беларусі сістэма па зборы непатрэбнага электраабсталявання ад А1 дазваляе глабальна скарачаць уздзеянне на навакольнае асяроддзе, а таксама далучаць да гэтага працэса кліентаў кампаніі і развіваць іх эказвычкі.