Больш аб'ёму трафіку і новыя опцыі: А1 абнаўляе напаўненне бізнес-лінейкі «Сваё рашэнне» | Навiны | Пра кампанію

Больш аб'ёму трафіку і новыя опцыі: А1 абнаўляе напаўненне бізнес-лінейкі «Сваё рашэнне»

Аб кампаніі / Бiзнесу

Кампанія А1 пашырае напаўненне набораў паслуг, даступных у рамках прапановы-канструктара для бізнесу «Сваё рашэнне». Цяпер яго карыстальнікам будзе даступна яшчэ больш магчымасцяў — уключаючы SMS, міжнародныя званкі і інтэрнэт-трафік у роўмінгу.

 

Як і раней, галоўная асаблівасць лінейкі — магчымасць самастойна абіраць напаўненне ў рамках аднаго кошту — застаецца нязменнай. Аднак цяпер новыя карыстальнікі прапаноў «Сваё рашэнне.Лідар», «Сваё рашэнне.Эксперт», «Сваё рашэнне.Майстар» і «Сваё рашэнне.Наватар» атрымаюць большую колькасць хвілін размоў і большы аб'ём мабільнага інтэрнэт-трафіку.

 

Другім новаўвядзеннем стане пашырэнне спіса паслуг, уключаных у прапановы «Сваё рашэнне.Лідар» і «Сваё рашэнне.Эксперт». Цяпер, акрамя запасу галасавога і інтэрнэт-трафіку, яны будуць уключаць пэўную колькасць SMS-паведамленняў у сетцы беларускіх аператараў, хвіліны для званкоў за межы Беларусі (у краіны СНД і Еўропы), а таксама той ці іншы аб'ём мабільнага інтэрнэт-трафіку ў роўмінгу для краін са спіса па спасылцы. З улікам абнаўленняў адаптаваць канфігурацыю тарыфу ў залежнасці ад задач кожнага канкрэтнага карыстальніка будзе яшчэ прасцей, а памеры выдаткаў на карпаратыўную мабільную сувязь пры гэтым застануцца празрыстымі.

 

Азнаёміцца з лінейкай «Сваё рашэнне», а таксама падабраць найлепшае рашэнне для сваёй справы можна на інтэрактыўнай старонцы, даступнай па спасылцы.

 

У сувязі з абнаўленнем лінейкі таксама ўносяцца змены ў некаторыя публічныя дакументы:

  • З 04.06.2024 зменіцца Парадак аказання паслуг па прапановах «Сваё рашэнне». З новай рэдакцыяй дакумента можна азнаёміцца па спасылцы.
  • З 15.06.24 зменіцца Парадак прапановы комплексных прадуктаў Простае рашэнне. З новай рэдакцыяй дакумента можна азнаёміцца па спасылцы.

 

Падключыцца на лінейку «Сваё рашэнне» могуць юрыдычныя асобы і індывідуальныя прадпрымальнікі. Падрабязнасці — на афіцыйных старонках A1 у сацыяльных сетках Facebook, «УКантакце» і «Аднакласнікі», праз анлайн-чат на сайце www.A1.by, а таксама па адзіным тэлефоне кантакт-цэнтра — 150.