Аб пашырэнні магчымасці для аказання паслуг «Смарт-налада» і ўнясенні змен у некаторыя публічныя дакументы

Правайдар тэлекам-, ІКТ- і кантэнт-паслуг A1 інфармуе аб пашырэнні магчымасці для аказання паслуг «Смарт-налада міні», «Смарт-налада аксесуараў», «Смарт-налада ультра» і «Смарт-налада А1 Гуру». Так, з 25.02.2025 вышэйпералічаныя паслугі сталі даступныя для ўсіх абанентаў А1 – як на тарыфах з аплатай па факце, гэтак і на тарыфах з перадаплатай. Таксама з указанай даты пашыраецца пералік спосабаў заказу паслугі. У сувязі з гэтым з 25.02.2025 уносяцца змены ў «Парадак аказання паслуг па наладжванні мабільных тэлефонаў, аксесуараў». З абноўленай версіяй дакумента можна азнаёміцца па спасылцы.

Паслугі лінейкі «Смарт-налада» ад А1 – гэта экспертнае наладжванне вашых прылад для максімальнай прадукцыйнасці і камфорту. Спецыялісты кампаніі дапамогуць адаптаваць гаджэт пад пэўныя патрэбы карыстальніка, аптымізаваць прадукцыйнасць, наладзіць захаванне важнай інфармацыі і ўстанавіць патрэбныя меры бяспекі для аховы даных. Падрабязней з усімі магчымасцямі паслуг і ўмовамі іх аказання можна азнаёміцца па спасылцы.