Падумайце 5 секунд – А1 пра тое, як засцерагчы ад небяспекі махлярства сябе і блізкіх
Сучасны свет, дзякуючы актыўнаму развіццю інтэрнэту і мабільнай сувязі, зрабіўся неверагодна зручным і хуткім: сацсеткі, месенджары, маркетплейсы, банкаўскія і фінансавыя праграмы – многія пытанні цяпер вырашаюцца ў пару клікаў. І людзі настолькі прызвычаіліся да імгненных камунікацый, што часта адказваюць на паведамленні, робяць закупы анлайн або рэагуюць на званкі практычна аўтаматычна. Але менавіта гэта хуткасць робіць лічбавую прастору асабліва ўразлівай – махляры выкарыстоўваюць яе ў сваіх інтарэсах.
Зламыснікі выкарыстоўваюць мноства метадаў, каб атрымаць доступ да асабістай інфармацыі: яны тэлефануюць і пішуць у месенджары, сацсеткі і на электронную пошту, падрабляюць галасы блізкіх, называюць імёны родных, называюцца супрацоўнікамі банкаў, аператараў сувязі ці дзяржаўных службаў, спрабуючы прымусіць чалавека дзейнічаць хутка і без разваг. У сеціве махляры ўсяляк намагаюцца атрымаць доступ да канфідэнцыйных даных, заразіць прылады ахвяр вірусамі, што можа прывесці да сур’ёзных наступстваў: ад рэпутацыйных да фінансавых страт.
І адмыслова да Сусветнага дня бяспечнага інтэрнэту А1 падрыхтаваў для ўсіх падрабязную інструкцыю, як максімальна засцерагчы ад небяспекі махлярства сябе і сваіх блізкіх.
Як распазнаць махляра? Будзьце пільныя і заўсёды звяртайце ўвагу на гэтыя сігналы:
1. Нечаканыя званкі праз месенджары. Напрыклад, вам паступае званок у Viber, WhatsApp, Telegram з незнаёмага (часта замежнага) нумара. Таксама магчыма выкарыстанне лагатыпа якой-небудзь кампаніі на застаўцы профілю. Будзьце пільныя самі, а таксама акцэнтуйце ўвагу вашых родных, блізкіх, знаёмых на тым, што мабільныя аператары, банкі і дзяржорганы ніколі не тэлефануюць праз месенджары, нават калі профіль выглядае як сапраўдны. Калі вы хочаце пераканацца ў надзейнасці свайго суразмоўцы, даведайцеся яго імя, а затым ператэлефануйце па афіцыйным нумары арганізацыі з просьбай злучыць вас з гэтым супрацоўнікам;
2. Запыт канфідэнцыйнай інфармацыі. Напрыклад, вас просяць паведаміць коды пацвярджэння з паведамленняў, лагіны і паролі, коды бяспекі банкаўскай карткі, ідэнтыфікацыйны нумар пашпарта, нумар дагавора і іншую асабістую інфармацыю. Нават калі размова вам здаецца рэалістычнай, не паведамляйце суразмоўцы такія даныя.
3. Тэрміновае выкананне якіх-небудзь дзеянняў і ціск аўтарытэтам. Напрыклад, суразмоўца вымушае вас ператэлефанаваць на прадыктаваны нумар, усталяваць праграму, перавесці кудысьці грашовую суму, аформіць крэдыт, адкрыць укладзены файл, перайсці па спасылцы і інш. проста зараз. У тым ліку ён можа ціснуць на вас ці пагражаць якімі-небудзь наступствамі. Не паддавайцеся на перакананні – толькі зламыснікі будуць прыспешваць вас ці спрабаваць выклікаць паніку.
Самы просты спосаб засцерагчы сябе ад небяспекі – гэта спыніцца і падумаць літаральна 5 секунд перад тым, як перайсці па незнаёмай спасылцы, перадаць камусьці коды з SMS ці адказаць на падазроны званок з месенджара.
І калі вы ўсё ж сутыкнуліся з атакай махляроў, неадкладна паведаміце пра гэта ў праваахоўныя органы па нумары 102.
І адмыслова для таго, каб абараніць сваіх кліентаў і ўсіх грамадзян Беларусі ад кібермахлярства, А1 запусціў агульнанацыянальную інфармацыйную кампанію #Падумайце5секунд. На сайце safety.a1.by кожны можа даведацца пра эфектыўныя метады барацьбы з махлярствам і асноўныя правілы бяспекі ў інтэрнэце.
Апроч інфармацыйнай кампаніі, А1 таксама надае вялікую ўвагу распрацоўцы праграмнага забеспячэння і зручных сэрвісаў па абароне асабістых або карпаратыўных прылад. Гэтак, напрыклад, А1 запусціў паслугу «Бяспечны інтэрнэт», якая прадухіляе доступ да шкодных сайтаў, блакуе дамены, якія могуць змяшчаць вірусы, шпіёнскія праграмы ці ўдзельнічаць у махлярскіх схемах накшталт фішынгу, дапамагае пазбегнуць крадзяжу асабістых даных і заражэння прылад шкодным праграмным забеспячэннем, забяспечваючы абарону як для фізічных, так і для юрыдычных асоб. Падрабязней пра поўны функцыянал паслугі можна дазнацца на сайце a1.by/protect.
Калі казаць пра бізнес-кліентаў А1, то ім прадастаўляецца шырокі комплекс паслуг, які аказваецца на базе ўласнага дата-цэнтра кампаніі.
Будзьце пільныя і асцярожныя!