Спампуйце ўвесь інтэрнэт: А1 зрабіў мабільны інтэрнэт у 4G бясплатным на тыдзень для ўсіх абанентаў

Кампанія А1 пачала выкарыстанне новага частотнага дыяпазону 2600 МГц прыкладна на 1,5 тыс. базавых станцый інфраструктурнага аператара beCloud. З 8 лістапада 2022 года абаненты А1 змогуць уласнаручна пратэсціраваць змены і ацаніць больш высокую якасць мабільнага інтэрнэту ў 4G-сетцы: на цэлы тыдзень ён стане бясплатным для ўсіх абанентаў.

За работу тэхналогіі 4G для абанентаў А1 у Беларусі ў асноўным «адказваў» дыяпазон 1800 МГц. Ён выкарыстоўваецца і зараз: гэта своеасаблівая база, якая забяспечвае само пакрыццё населеных пунктаў сувяззю чацвёртага пакалення. А частоты 2600 МГц дазваляюць павялічыць ёмістасць сеткі, гэта значыць колькасць абанентаў, якія могуць карыстацца ёй адначасова. Гэта асабліва важна ў гарадах і рэгіёнах з вялікай колькасцю ці высокай шчыльнасцю насельніцтва. З запускам новага дыяпазону прапускная здольнасць сеткі 4G для абанентаў А1 павысілася ў тры разы, а хуткасць перадачы даных істотна ўзрасла – дзякуючы магчымасці выкарыстоўваць агрэгацыю частот, а таксама метад шматпатокавай перадачы даных MIMO 4×4 на асобных базавых станцыях.

Больш за 400 базавых станцый 4G, якія падтрымліваюць частату 2600 МГц, размешчаныя ў Мінску. Астатнія – ва ўсіх абласных і большасці раённых цэнтраў краіны. Найбольш прыкметныя паляпшэнні работы 4G-сеткі змогуць адчуць жыхары Гомеля, Мазыра, Калінкавічаў, Магілёва, Бабруйска, Брэста, Баранавіч, Віцебска, Оршы, Наваполацка, Полацка, Гродна, Ліды, Ваўкавыска, Барысава, Маладзечна, Салігорска, Слуцка і Пінска. Тут хуткасць мабільнага інтэрнэту стане істотна вышэй, а галасавая сувязь – больш якаснай.

Пры гэтым новы частотны дыяпазон будзе ўкараняцца не толькі на дзеючых, але і на новых аб’ектах, якія будуць будавацца інфраструктурным аператарам becloud на пляцоўках А1 на тэрыторыі краіны па меры развіцця сеткі.

Наколькі гэтыя змены бачныя на практыцы, змогуць праверыць самі абаненты А1: на працягу тыдня яны змогуць карыстацца мабільным інтэрнэтам у сетцы 4G без абмежаванняў па аб’ёме і па хуткасці.

Як гэта будзе працаваць? Усе фізічныя асобы-абаненты А1, незалежна ад таго, якім тарыфным планам яны карыстаюцца, у перыяд з 8 па 14 лістапада змогуць актываваць акцыйны пакет безлімітнага інтэрнэту «Спампуй увесь інтэрнэт!» для выкарыстання ў сетцы 4G. Зрабіць гэта можна праз праграму «Мой А1» (у раздзеле «Паслугі» пасля пераходу ва ўкладку «Даступныя»), якая дазваляе кантраляваць стан свайго асабовага рахунку і кіраваць любымі паслугамі (у тым ліку падключаць новыя магчымасці) у рэжыме 24/7 без наведвання магазінаў А1. Праграма даступная для запампоўкі ў AppStore, Google Play і AppGallery. Пры гэтым магчымасць падключыць пакет будзе і ў карыстальнікаў шэрага тарыфных планаў для юрыдычных асоб, якія працуюць не праз закрытую карпаратыўную сетку.

На працягу сямі сутак з моманту прызначэння акцыйнага пакета інтэрнет-трафік у рамках дзеючага тарыфнага плана мабільнай сувязі не будзе ні расходавацца, ні аплачвацца. Пры гэтым інтэрнэт будзе працаваць без якіх-небудзь абмежаванняў як па хуткасці, так і па аб’ёме (у тым ліку пры раздачы на іншыя ўстройствы). Для многіх абанентаў розніца выявіцца вельмі істотнай, асабліва калі іх тарыфы прадугледжваюць лімітаваную хуткасць перадачы даных. Бо ў сетцы 4G якасць работы мабільнага інтэрнэту (напрыклад, стабільнасць прайгравання ці перадачы патокавага відэа ў высокім разрашэнні) і хуткасць запампоўкі файлаў вельмі блізка набліжаюцца да магчымасцей фіксаванага злучэння. Але з адной істотнай перавагай: вы не прывязаныя ні да правадоў, ні да пароляў ад Wi-Fi і можаце працаваць, мець зносіны або выкарыстоўваць кантэнт усюды, дзе б ні знаходзіліся.

Сувяззю па стандарце 4G могуць карыстацца тыя абаненты А1, чые SIM-карты і мабільныя ўстройствы падтрымліваюць дадзеную тэхналогію. Праверыць гатоўнасць устройства да работы ў сетцы 4G можна ў меню «Настройкі» пасля выбару адпаведных параметраў – 3G/4G або LTE. Пры гэтым на экране з’явіцца абазначэнне, якое пацвярджае магчымасць карыстацца паслугай перадачы даных.

Праверыць, ці падтрымлівае SIM-карта сетку 4G, абаненты A1 могуць з дапамогай USSD-запыту *181#. У выпадку, калі SIM-карта састарэлая, яе можна замяніць у любым магазіне кампаніі ці дылерскіх цэнтрах.