Вынікі другой часткі турніру velcom cup 2010

На адкрытых грунтовых кортах Палаца тэніса завяршыўся прафесійны мужчынскі турнір velcom cup 2010. Арганізатарам першынства выступіла Беларуская федэрацыя тэніса пры падтрымцы кампаніі velcom.

У другой частцы спаборніцтва серыі Futures балельшчыкаў і аматараў вялікага тэніса па-сапраўднаму парадавала добрая гульня суайчыннікаў. У парным фінале беларусы Андрэй Васілеўскі і Мікалай Фідзірка супрацьстаялі Андрэю Левіну і Давіду Савічу. Гульня была вельмі напружанай і хвалюючай, але ў выніку беларускія тэнісісты лідзіравалі з лікам 6:4, 7:5! Па прызнанні спартсменаў атрымаць перамогу на хатняй пляцоўцы было асабліва прыемна.

У фінал адзіночнага разраду таксама выйшаў Сяргей Бетаў, дзе заняў ганаровае другое месца, саступіўшы Гільерма Аласа. На радзіму іспанскі тэнісіст вязе два кубкі пераможцы і званне чэмпіёна турніру velcom cup 2010.

Віншуем спартсменаў і жадаем ім відовішчных гульняў і яскравых перамог у будучыні! Балейце за нашых разам з velcom!

Пераможца турніру velcom cup 2010 Гільерма Аласа