Ужо год #яанлайн: як валанцёры праекта А1 робяць мабільныя тэхналогіі даступнымі для ўсіх

У кастрычніку 2020 года ў Беларусі па ініцыятыве А1 быў створаны лічбавы валанцёрскі рух #яанлайн для ўсіх, хто хацеў бы вучыць або вучыцца мабільным тэхналогіям. За год да яго далучыліся каля 1000 валанцёраў, а сам праект з карыснай пляцоўкі для інтэрнэт-карыстальнікаў ператварыўся ў маштабную адукацыйную платформу.

Спецыяльна для валанцёраў праекта і сацыяльных работнікаў, да якіх іх падапечныя часта звяртаюцца з пытаннямі аб мабільных тэхналогіях, А1 і Фонд ААН у галіне народанасельніцтва (ЮНФПА) у Беларусі арганізавалі #яанлайн-навучанне. З ліпеня па верасень шэсць урокаў па лічбавай граматнасці прайшлі ва ўсіх рэгіёнах Беларусі. Іх наведалі каля 100 чалавек, а яшчэ больш за 500 змаглі прайсці навучанне дзякуючы анлайн-трансляцыі і запісу заняткаў.

«Рух #яанлайн дапамог нам паказаць тысячам людзей, як сучасныя тэхналогіі могуць зрабіць жыццё камфортнейшым і якія магчымасці адкрываюць перад любым чалавекам – незалежна ад яго ўзросту, прафесіі або месца жыхарства. Важна, што нашы супрацоўнікі самі разам з экспертамі ЮНФПА праводзілі #яанлайн-навучанне і з улікам прафесійнага вопыту расказвалі, як працаваць з пачынаючымі інтэрнэт-карыстальнікамі», – адзначыў кіраўнік упраўлення грамадскіх сувязяў і ESG кампаніі А1 Мікалай Брэдзелеў.

Навучанне стала часткай сумеснага праекта А1 і ЮНФПА па павышэнні лічбавай граматнасці людзей старэйшага ўзросту, які рэалізуецца ў рамках падпісанага паміж арганізацыямі Пагаднення аб супрацоўніцтве. Урокі па лічбавай граматнасці пабудаваны на аснове #яанлайн-даведніка, дзе сабраныя карысныя інструкцыі для нявопытных карыстальнікаў: як падключаць мабільны інтэрнэт, спампоўваць мабільныя праграмы, рэгістравацца ў сацыяльных сетках, аплачваць пакупкі ці камунальныя паслугі, запісвацца да лекара, шукаць любімыя фільмы і гэтак далей. Людзі старэйшага ўзросту могуць бясплатна атрымаць яго папяровую версію ў цэнтрах продажаў А1, электронная таксама даступна для ўсіх ахвотных тут.

 

«Апошні год паказаў, як эфектыўна мы можам працаваць і не губляць сувязяў адзін з адным, проста застаючыся анлайн. Таму мы ўдзячныя А1 за магчымасць аб'яднаць нашы намаганні і дапамагчы авалодаць новымі ведамі ў сферы мабільных тэхналогій тым, хто мае ў іх асаблівую патрэбу. Цяпер, калі валанцёры і сацыяльныя работнікі вывучылі тонкасці навучання пажылых людзей, этыку ўзаемадзеяння і многія іншыя псіхалагічныя аспекты, мы яшчэ больш упэўненыя ў дасягненні нашых агульных мэт», – адзначылі ў Фондзе ААН у галіне народанасельніцтва (ЮНФПА) у Беларусі.

Валанцёрам праекта #яанлайн можа стаць любы чалавек і абанент любога мабільнага аператара, які хацеў бы дапамагчы сваім блізкім разабрацца ў гэтым. Каб далучыцца да руху, трэба зарэгістравацца на сайце ionline.a1.by.

Важна, што сайт #яанлайн спецыяльна адаптаваны для невідушчых карыстальнікаў і карыстальнікаў са слабым зрокам, каб далучыцца да праекта ў камфортным для сябе рэжыме магло як мага больш людзей. Гэта версія працуе са стандартным наборам гарачых клавіш і мае дадатковыя налады, якія дазваляюць уключаць ці выключаць выявы, змяняць памер і выгляд шрыфта, колер старонак, а таксама інтэрвалы паміж радкамі і літарамі. Усё, што адбываецца на экране, аўтаматычна каментуецца гукавымі апавяшчэннямі.

Акрамя таго, у дапамогу валанцёрам запушчаны тэлеграм-канал «ЯнАнлайн», дзе ад імя 27-гадовага хлопца публікуюцца парады, як простымі словамі растлумачыць пачынаючым інтэрнэт-карыстальнікам, што трэба рабіць. Больш падрабязнай інфармацыі пра лічбавы валанцёрскі рух #яанлайн можна знайсці на афіцыйным сайце праекта.