HUAWEI MatePad 11: перадзаказ з бонусамі – ужо ў А1

Толькі з 23 жніўня да 2 верасня кліенты А1 могуць аформіць перадзаказ на планшэт HUAWEI MatePad 11 і атрымаць прыемныя бонусы: зніжку ў памеры 100 рублёў і чахол-клавіятуру са зніжкай 99%.

Планшэт атрымаў 11-цалёвы экран з раздзяленнем 2560×1600 пікселяў і частатой абнаўлення 120 Гц для плаўнай працы і хуткай змены кадраў. Кіруе працай прылады магутны Qualcomm Snapdragon 865, што ў спалучэнні з 6 ГБ аператыўнай памяці гарантуе выдатную хуткадзейнасць і шматзадачнасць. Яшчэ адна цікавая асаблівасць навінкі – уласная аперацыйная сістэма HarmonyOS ад HUAWEI: MatePad 11 стаў адной з першых прылад, на якой яна ўсталявана.

Планшэт, нягледзячы на значную дыяганаль экрана, адрозніваецца вельмі тонкім корпусам. Галоўная камера атрымала раздзяленне 13 Мп, франтальная – 8 Мп. Аўдыясістэма прылады складаецца з чатырох дынамікаў, што забяспечвае камфортнае праслухоўванне любога кантэнту. Пры гэтым акумулятара HUAWEI MatePad 11 хопіць на прайграванне відэа да 12 гадзін.

Для перадзаказу ў А1 даступны планшэт HUAWEI MatePad 11 у матавым шэрым колеры. Яго пакупнікі змогуць атрымаць зніжку ў памеры 100 рублёў, а таксама магнітны чахол-клавіятуру HUAWEI Smart Magnetic Keyboard са зніжкай 99%. З яе дапамогай прыладу ў любым месцы і ў любы момант можна ператварыць у зручнае рашэнне для працы і зносін. Падрабязней з правіламі акцыі можна азнаёміцца па спасылцы.

Планшэт HUAWEI MatePad 11 па перадзаказе даступны як аднаразовым плацяжом, так і ў растэрміноўку да 24 месяцаў. Штомесячны ўзнос складзе ад 54,12 рубля.

Падрабязнасці – на афіцыйных старонках A1 у сацыяльных сетках Facebook, «Вконтакте» і «Аднакласнікі», праз анлайн-чат на сайце www.A1.by, а таксама па адзіным тэлефоне кантакт-цэнтра – 150.