SMS2e-mail/e-mail2SMS

Паслуга дазваляе абанентам адпраўляць SMS з тэлефона на адрас электроннай пошты і прымаць паведамленні, адпраўленыя з электроннай пошты ў сетцы Інтэрнэт на тэлефон у выглядзе SMS.

SMS2e-mail
Для адпраўкі паведамлення на адрас электроннай пошты абаненту velcom адпраўце са свайго тэлефона SMS выгляду «EM эл. адрас тэкст паведамлення» на нумар 511, дзе кодавае слова EM, электронны адрас і тэкст паведамлення варта зазначыць праз прабелы. Напрыклад, «EM ivanov@domain Тэкст паведамлення». У адказ прыйдзе SMS-паведамленне, што ліст дасланы. У выпадку немагчымасці дастаўкі ліста (напрыклад, пазначаны неіснуючы адрас), паштовы сервер паведаміць аб гэтым пры дапамозе SMS.

e-mail2SMS
Для таго каб даслаць SMS з электроннай пошты на тэлефон абанента, зарэгістраванага ў сістэме SMS2e-mail / e-mail2SMS, неабходна адправіць звычайны ліст на адрас выгляду nickname@sms.velcom.by або 375АВХХХХХХХ@sms.velcom.by.

Пры выкарыстанні сэрвісу маюцца ліміты ўваходнага паштовага трафіка:

• 500 паведамленняў у суткі для кожнага абанента.
• Максімальны памер паштовай скрынкі 50 Мб у суткі.
• Абнуленне лічыльнікаў адбываецца штодня ў 00:00:00.

Прымацаваныя файлы не дастаўляюцца і памер ліста, які дастаўляецца абаненту, складае 770 сімвалаў лацінкай, і 335 сімвалаў кірыліцай. Максімальны памер уваходнага паведамлення складае 770 сімвалаў пры ўстаноўленай кадзіроўцы lat ці 335 сімвалаў пры ўстаноўленай кадыроўцы rus, уключаючы адрас электроннай пошты адпраўніка, тэму і асноўны тэкст ліста. Падтрымліваецца аб'яднанне паведамленняў пры ўмове падтрымкі гэтай опцыі тэлефонам.
Абмежаванне па колькасці ўваходных паведамленняў - 500 у суткі для кожнага абанента.

Паслуга SMS2e-mail / e-mail2SMS надаецца абанентам кампаніі (акрамя абанентаў тарыфаў з перадаплатай , а таксама абанентаў тарыфных планаў Відэаназіранне, Спадарожнікавы маніторынг).

Як падключыць
Зарэгістравацца можна двума спосабамі:

• Адправіць SMS EM REGI на нумар 511.
  У адказ паступіць паведамленне з прапановай пацвердзіць рэгістрацыю. Для пацверджання рэгістрацыі неабходна адправіць у адказ SMS са словам DA.

• Кліент-юрыдычная асоба можа падключыць паслугу таксама наступнымі спосабамі:
• на падставе заявы кліента, адпраўленай на e-mail legal@velcom.by ці ў паблік акаунт velcom у Viber;
• на падставе заявы кліента, перададзенай у цэнтр продажу і абслугоўвання кампаніі.

Як адключыць
Для спынення выкарыстання паслугі неабходна адправіць паведамленне EM UNREGI на нумар 511 ці адключыць паслугу ў адпаведным радзеле на партале m.velcom.by.
Кліент-юрыдычная асоба можа адключыць паслугу таксама наступнымі спосабамі:

• на падставе заявы кліента, адпраўленай на e-mail legal@velcom.by ці ў паблік акаунт velcom у Viber;
• на падставе заявы кліента, перададзенай у цэнтр продажу і абслугоўвання кампаніі.

Змена настроек
Для змены ўласных настроек выкарыстоўваецца каманда: EM SET n:nickname e:rus ці е:lat (напрыклад, EM SET n:petrov e:lat). Параметр n:nickname задае патрэбны паштовы адрас абанента ў выглядзе nickname@sms.velcom.by і можа складацца з літар, лічбаў, сімвалаў: кропка, падкрэсленне, мінус. Даўжыня nickname не павінна быць менш за 3 ці больш за 13 сімвалаў. Калі nickname не адпавядае гэтым умовам або заняты іншым карыстальнікам, то адрас не зменіцца і застанецца ранейшым: ??375АВxxxхxxx@sms.velcom.by.
Параметр e:rus або e:lat задае пажаданую кадзіроўку ўваходных і выходных паведамленняў (залежыць таксама ад магчымасцей тэлефоннага апарата). Па змоўчанні задаецца кадзіроўка кірыліцай.

Каманды
Паслуга SMS2e-mail / e-mail2SMS надае шырокія магчымасці па кіраванні мабільнай "паштовай скрынкай" непасрэдна з клавіятуры мабільнага тэлефона. Існуе магчымасць часова прыпыніць / аднавіць, спыніць карыстанне паслугай, змяніць і праверыць уласныя настройкі, абмежаваць прыём карэспандэнцыі з дапамогай спецыяльных фільтраў.
Усе прыведзеныя ніжэй каманды варта дасылаць з мабільнага тэлефона ў выглядзе SMS на нумар 511.

Як настроіць паведамленні гл. Інструкцыю па настройцы паведамленняў